Klagebehandling - oversikt over klagenemnder
Sist publisert: 1. april 2025
Finanstilsynet er eit forvaltingsorgan (direktorat) og har ikkje myndigheit til å avgjere klager på føretak som er under vårt tilsyn. Det betyr at vi ikkje kan fatte vedtak som ein kunde kan bruke i saka si mot eit føretak.
Handtering av kundeklager på føretak under tilsyn
I utgangspunktet er det berre domstolane som har kompetansen til å avgjere ein tvist mellom kunden og føretaket. Dette føreset at saka blir brakt inn for rettssystemet. Dersom føretaket er medlem av Finansklagenemnda, kan ein forbrukar òg sende klaga si til behandling der. Avgjersler i Finansklagenemnda er ikkje bindande for føretaket, men dersom kunden får medhald i nemnda og føretaket ikkje følger opp avgjersla, må føretaket dekke kostnadene til kunden ved ei eventuell etterfølgande domstolsbehandling.
Dersom føretaket ikkje er medlem av Finansklagenemnda, kan du sende saka til mekling hos Forbrukartilsynet:
Du skal likevel alltid sjølv først klage til føretaket. Dersom du ikke får medhald i føretaket, kan du sende saka til Finansklagenemnda eller Forbrukartilsynet. Føretaket skal informere deg om nemnda kan behandle saka.
Kontaktinformasjon til Finansklagenemnda:
Finansklagenemnda
Postboks 53 Skøyen
0212 OSLO
Tlf.: 23 13 19 60
Nettadresse: https://www.finkn.no/
Kontaktinformasjon til Forbrukartilsynet:
Forbrukartilsynet
Postboks 2862 Kjørbekk
3702 SKIEN
Tlf.: 23 400 600
Nettadresse: https://www.forbrukertilsynet.no/
Handtering av klager på enkeltvedtak frå Finanstilsynet
Finanstilsynsklagenemnda behandlar klager på enkeltvedtak som er fatta av Finanstilsynet. Finanstilsynsklagenemnda er ein del av Klagenemndssekretariatet i Bergen.
Kontaktinformasjon til Finanstilsynsklagenemnda
Klagenemndssekretariatet
Postboks 511 sentrum
5805 BERGEN
Tlf.: 55 19 30 00
Nettadresse: https://www.klagenemndssekretariatet.no
Andre klageorgan for forbrukarar:
Meir informasjon
- Hvitvaskingsregelverket og forbrukernes rett til finansielle tjenester
- Spørsmål om lån, renter og andre kundeforhold i bankar og andre finansføretak
- Kva gjer Finanstilsynet for forbrukarane?
- Klagebehandling - oversikt over klagenemnder
- Sikringsordningar og garantiordningar
- Verksemdsregister
- Marknadsåtvaringar / investeringsbedrageri
- Informasjon om Finanstilsynet
Finansportalen
Finansportalen er ei teneste frå Forbrukarrådet for kundar som vil samanlikne tilboda i marknaden for banktenester, forsikringsprodukt, investering og pengeoverføring til utlandet.