Cash FX Group / CFX team Norge
Publisert: 4. september 2020
Finanstilsynet åtvarar mot investeringstilbod marknadsført av Cash FX Group / CFX team Norge.
Finanstilsynet har motteke opplysningar om at Cash FX Group / CFX team Norge, har kontakta norske investorar og tilbode investeringstenester. Selskapet tilbyr òg tenester frå nettstaden www.forex-eu.cashfxgroup.com/ https://cashfxgroup.com/ www.cfxteamnorge.no/.
Finanstilsynet gjer oppmerksam på at Cash FX Group / CFX team Norge ikkje har godkjenning til å drive investeringstenester i Noreg, og føretaket har derfor ikkje nødvendig godkjenning etter norsk lov. Dette inneber at Finanstilsynet ikkje har tilsynskontroll over selskapet eller har godkjent tenestene som selskapet tilbyr. Finanstilsynet tilrår derfor investorar om ikkje å inngå avtaler eller overføre verdiar til Cash FX Group /CFX team Norge.
Finanstilsynets verksemdsregister inneheld informasjon om alle føretak som har løyve til å tilby investeringstenester i Noreg. På nettstaden til Finanstilsynet er det òg ei liste (ikkje fullstendig) over aktørar i marknaden som opererer utan løyve.
Marknadsåtvaringar / investeringsbedrageri
Finanstilsynet får ofte førespurnader frå enkeltpersonar som har blitt tilbode aksjar, fondsdelar, CFD-ar og andre investeringsmoglegheiter per telefon, e-post eller post. Tilboda kjem frå seljarar som dei ikkje kjenner frå før, som ofte kallar seg «rådgivarar» eller «meklarar». Dette er svært ofte reine svindelforsøk.