Høyring frå ESMA: Endring av reglar om oppgjersdisiplin under CSDR
Høringer
Publisert: 11. august 2022
Den europeiske verdipapir- og marknadstilsynsmyndigheita (ESMA) har sendt forslag til endring av regler om oppgjersdisiplin under CSDR på høyring. Høyringsfristen er 9. september 2022.
I 2014 fastsette EU reglar for verdipapiroppgjeret og verdipapirsentralar i CSDR. Reglane er gjennomførde i norsk rett i verdipapirsentralloven.
ESMA har nå sendt forslag til endring av det utfyllande regelverket om oppgjersdisiplin på høyring. Forslaget søker å forenkle prosessen for innkreving og omfordeling av bøter. Formålet med høyringa er å innhente synspunkt og innspel frå berørte partar.
Ein må legge til grunn at reglane blir tatt inn i EØS-avtalen og gjennomført i norsk rett i verdipapirsentralforskrifta. Finanstilsynet ber om å bli orientert dersom det er forhold av særleg tyding for norske interesser som Finanstilsynet bør vere merksam på. Det vil i utgangspunktet ikkje bli gjennomført ny høyring når regelverket skal takast inn i norsk rett.
Høyringsfristen er 9. september 2022.
Les meir på ESMA sine nettsider:
Abonner på nyheter
Registrer deg for å få nyhetsvarsling når Finanstilsynet publiserer saker du er interessert i.