Høyring frå ESMA: Krav om aktiv konto hos sentral motpart i EU

Forordning (EU) nr. 648/2012 i EU blir no revidert, og formålet er vurdere risiko knytte finansiell stabilitet forårsaka av eksponering overfor systemviktige sentrale motpartar som høyrer heime i eit tredjeland. Revisjonen er vedteken, men enno ikkje publisert i rettstidene til EU.

Revisjonen inneber mellom anna at det blir innført eit krav om at nærare bestemde finansielle og ikkje-finansielle motpartar må ha minst éin aktiv konto hos ein sentral motpart i EU, der det skal clearast eit representativt tal derivathandlar i relevante derivatklassar.

ESMA har no sendt på høyring forslag til utfyllande reglar til krav om ein slik aktiv konto hos ein sentral motpart i EU. Formålet med høyringa er å hente inn synspunkt og innspel frå partar som dette gjeld. Høyringsnotatet drøftar forslag til kva for operasjonelle og representative krav som må oppfyllast, og kva for rapporteringskrav som skal gjelde for motpartar som er underlagde krav om aktiv konto.

Det er venta at reglane blir tekne inn i EØS-avtalen og gjennomførte i norsk rett i verdipapirforskrifta.

Finanstilsynet ber om å bli informert dersom det er forhold av særleg betydning for norske interesser som Finanstilsynet bør vere merksam på. Det vil i utgangspunktet ikkje bli gjennomført ei ny høyring når regelverket skal gjennomførast i norsk rett.

ESMA vil halde ei open høyring 20. januar 2025, og høyringsfristen er 27. januar 2025.

Høyringsnotatet og meir informasjon er tilgjengeleg på nettstaden til ESMA:

• Consultation on the Conditions of the Active Account Requirement under EMIR 3
• Open hearing on the Consultation on the Active Account Requirement under EMIR 3