Publisert: 8. august 2022
Sist endret: 26. september 2022
Finanstilsynet er eit sjølvstendig myndigheitsorgan som arbeider med grunnlag i lover og vedtak frå Stortinget, regjeringa og Finansdepartementet. Finanstilsynet deltek òg i eit omfattande internasjonalt samarbeid. Gjennom EØS-avtalen blir finansmarknadsregelverket til EU gjennomførd i norsk rett.
Finanstilsynet skal bidra til finansiell stabilitet og velfungerande marknader. Finansiell stabilitet vil seie at det finansielle systemet kan handtere forstyrringar og uventa hendingar, og at det kan utføre funksjonane sine slik at det ikkje oppstår store, negative konsekvensar for resten av økonomien og for forbrukarane.
Finanstilsynet legg vekt på god kommunikasjon og dialog med bransjane under tilsyn og har etablert faste kontaktmøte med bransjeorganisasjonane.
Internasjonalt samarbeid er viktig for å kunne føre eit relevant og effektivt tilsyn med ein stadig meir integrert finanssektor. Finanstilsynet samarbeider nært med finanstilsynsmyndigheitene i EØS om tilsyn og regelverksutvikling, og deltek òg i det globale tilsynsarbeidet.
Finanstilsynet si årsrapportering gjer greie for tilsynsverksemda i det førre året. Ho omfattar mellom anna omtaler av aktivitetane på dei ulike tilsynsområda, måloppnåing, sentrale tal for verksemda og årsrekneskap.
Vi styrker fleire av fagområda våre – følg med på ledige stillingar her. Finanstilsynet er ei kunnskapsintensiv statleg verksemd med arbeidsoppgåver hovudsakeleg innan økonomi, juss og IT. Vi kan tilby meiningsfulle og utfordrande arbeidsoppgåver i eit sterkt fagmiljø med mange dyktige kollegaer.
