Organisasjon

Styre og leiing

Styret

Medlemmer og varamedlemmer blir oppnemnde av Finansdepartementet etter delegasjon frå Kongen for ein periode på fire år. Varamedlemmene deltek fast på styremøta. Dei to tilsetterepresentantane er valde av og blant dei tilsette, og dei deltek i styrebehandlinga av administrative saker. I tillegg deltek éin observatør frå Noregs Bank, som òg er oppnemnd av Finansdepartementet. Eit nytt styre blei oppnemnd for perioden 11. mars 2022 til 1. mars 2026. 

To representantar som er valde av og blant dei tilsette i Finanstilsynet, supplerer styret ved behandling av administrative saker. Representantane for dei tilsette er:

• tilsynsrådgivar Alfred Ødegaard
• senior tilsynsrådgivar Gunnar Almklov

Frå venstre: Mette Bjørndal, Giuditta Cordero-Moss, Kristin Gulbrandsen, Alfred Ødegaard, Astrid Rindal, Finn Arnesen, Jens-Henrik Lien, Marianne Hansen, Sindre Weme, Helge Eide. Marianne Hansen var styremedlem fram til 24. mars 2023.
(Foto: Jarle Nyttingnes)

Leiargruppa

Den daglege leiinga blir utøva av ei leiargruppe, som forutan finanstilsynsdirektøren består av direktørane for dei fire tilsynsavdelingane, den juridiske direktøren, direktøren for verksemdsstyring og kommunikasjonsdirektøren.

Organisasjon

Avdelingane

Finanstilsynet er delt inn i fem avdelingar som blir leia av kvar sin direktør.

Seksjonane
Avdelingane er delte inn i seksjonar som blir leia av ein seksjonssjef. 

Stabsfunksjonane
Funksjonen for juridisk kvalitetssikring er plassert i staben til finanstilsynsdirektøren. Ein eigen kommunikasjonsstab har ansvaret for intern og ekstern kommunikasjon.