Finansielt utsyn
Finansiell stabilitet og velfungerande marknader er viktig for tilliten til det finansielle systemet, effektiv bruk av samfunnet sine ressursar og vern av forbrukarar og andre aktørar. Det finansielle systemet bør kunne handtere forstyrringar og uventa negative hendingar og samtidig vareta funksjonane sine, slik at eit tilbakeslag i økonomien ikkje blir sjølvforsterkande. Det krev solide og likvide finansføretak med god intern styring og kontroll.
Om rapporten
Rapporten "Finansielt utsyn" oppsummerer Finanstilsynet sine analysar og vurderingar av stabiliteten i det norske finansielle systemet. Rapporten bygger på Finanstilsynet sitt løpande tilsyn med føretak og marknader og er eit viktig grunnlag for arbeidet til tilsynet. Rapporten blir publisert to gongar i året, i juni og desember.