Finans- og sparebankstiftingar
Rapportere
Sist publisert: 26. mars 2025
Finans- og sparebankstiftingar skal rapportere til Finanstilsynet. Her er oversikt over rapporteringskrava til finans- og sparebankstiftingar og informasjon om korleis dei skal rapportere.
Kven skal rapportere?
Finans- og sparebankstiftingar skal årleg rapportere rapporteringsskjema, årsrekneskap, årsrapport og revisjonsrapport til Finanstilsynet. Meir informasjon er gitt i brev om oppstart av rapportering:
Stiftingar er rekneskapspliktige, jf. rekneskapslova § 1-2, og dei skal etter rekneskapslova § 3-1 fastsette årsrekneskap og årsrapport innan 30. juni kvart år.
Finansstiftingar med bestemmande innverknad i ein finansinstitusjon er underlagde årsrekneskapsforskrifta, og dei skal etter forskrifta § 2-1 vedta årsrekneskapen og årsrapporten seinest tre månader etter slutten av rekneskapsåret.
Rapportering via Altinn og rapporteringsskjema
Rapporteringsskjemaet, årsrekneskap og årsrapport med revisjonsrapport skal sendast inn som vedlegg til Altinn-skjemaet KRT-1025. Ein kan berre sende inn rapporteringsskjemaet ved å nytte Excel-malen som er utarbeidd av Finanstilsynet.
Stiftinga skal i rapporteringsskjemaet rapportere enkelte tal henta frå årsrekneskapen til stiftinga. Dette gjeld mellom anna samla inntekter, med spesifikasjon av tildelt utbyte frå institusjonen som er opphavet til stiftinga, og andre inntekter og kostnader med spesifikasjon av lønnskostnader, styregodtgjering og andre kostnader. Andre postar er årets resultat, inngåande og utgåande balanse for gåvefond, årets utbetaling av gåver og årets gitte gåver. Stiftinga skal òg rapportere storleiken på eigarandelen i institusjonen som er opphavet til stiftinga, og antal årsverk. I tillegg skal stiftinga rapportere i den nye bolken «Kategorisering av årets bevilgede gaveutdelinger».
For meir informasjon om kva for tal stiftingane skal rapportere, sjå rettleiingane i rapporteringsskjemaet:
Rapporteringsfristar
Årleg rapportering:
Rapporteringa er basert på rekneskapslovgivinga som gjeld for å fastsette årsrekneskapen. Det vil seie 30. juni, eller 31. mars for finansstiftingar som avlegg konsernrekneskapar.