Auke i mottekne og avslutta inkassosaker i 2013 – ein av tre nye saker blir avslutta etter purring/inkassovarsel

Veksten som går fram av dei samla tala, innber ikkje ein auke i det reelle misleghaldet. Årsaka til veksten er at fleire inkassoføretak har utvida tenestene sine og at dei no òg sender purring/betalingspåminning på vegner av oppdragsgivarane. Dette var oppgåver som oppdragsgivarane tidlegare gjorde sjølve.

Hovudtrekk ved innrapporterte tal frå inkassoføretaka ved utgangen av 2013:

• Nye og avslutta inkassosaker viser ein vekst på 14,0 prosent samanlikna med utgangen av 2012.
• Avslutta inkassosaker viser ein vekst på 7,5 prosent samanlikna med utgangen av 2012.
• Talet på inkassosaker i arbeid viser ein vekst på 12,3 prosent samanlikna med utgangen av 2012. 
• Misleghaldne forpliktingar til inndriving viser ein vekst på 5,9 prosent samanlikna med utgangen av 2012.
• Innkasserte beløp viser ein vekst på 7,8 prosent samanlikna med utgangen av 2012.

Inkassoinntektene til føretaka

I 2013 var inkassoinntektene til inkassoføretaka på 2 690 millionar kroner. Dette tilsvarer ein auke på 8,6 prosent samanlikna med 2012.
  
Merk: Finanstilsynet presiserer at dei presenterte tala for framandinkasso ikkje viser totale tal for kva som er til inndriving i Noreg. Inndriving av eigne krav (eigeninkasso), og krava som blir drivne inn av Statens innkrevingssentral og inkassoverksemda til advokatar inngår ikkje i talmaterialet.

Finanstilsynet gjer merksam på at innrapporterte tal ikkje kan bli oppgitt på fylkesnivå, ettersom tala ikkje er relaterte til geografiske område for skyldnar, men berre kor inkassoselskapet driv verksemda.