Finansiell rapportering

Offentleggjering og lagring av periodisk finansiell rapportering

Oslo Børs er peika ut som offisiell lagringsmekanisme (OAM) etter EU sitt rapporteringsdirektiv. Etter verdipapirhandellova (vphl.) § 5-12 første ledd skal periodisk finansiell rapportering sendast til Oslo Børs som skal oppbevare informasjonen på ein trygg måte. Finanstilsynet gjer merksam på at den finansielle rapporten må lagrast direkte i OAM-en. Det er ikkje tilstrekkeleg å lagre ei lenke til ei anna nettside der den finansielle rapporteringa er tilgjengeleg.

Når det gjeld lovbestemt innsending av periodisk finansiell rapportering til Finanstilsynet, jf. vphl. § 5-12 andre ledd, blir lagring av opplysningane i OAM-en vurdert å oppfylle lovkrava til innsending til Finanstilsynet. Finanstilsynet vil ha tilgang til den lagra finansielle rapporteringa, og føretaka behøver dermed ikkje å sende rapporteringa separat til Finanstilsynet som nemnt, eller gi melding om dette.

Finanstilsynet gjer merksam på at dette berre gjeld innsending av årsrapport (vphl. § 5-5) og halvårsrapport (vphl. § 5-6). Anna lov- og forskriftsbestemt innsending til Finanstilsynet i samband med finansiell rapportering er ikkje omfatta, og dette må sendast til Finanstilsynet. Dette gjeld til dømes melding om at revisoren har gitt presiseringar eller teke atterhald i revisjonsrapporten (vphl. § 5-5 femte ledd).

• Verdipapirhandellova

Lovbrotsgebyr, suspensjon og stans av handel

Finanstilsynet har høve til å ilegge lovbrotsgebyr dersom føretaka ikke held fristane for å offentleggjere/lagre årsrapport, halvårsrapport og kvartalsrapportering.

• Meir om lovbrotsgebyr, suspensjon og stans av handel

Unntak frå visse rapporteringskrav for tredjelandsutskrivarar/ekvivalensvurdering

Finanstilsynet har konkludert med at visse rapporteringskrav i USA (relatert til Form 20-F) er ekvivalente til visse krav i norsk lovgiving som innlemmer rapporteringsdirektivet. Som ei følge av dette, har Finanstilsynet gitt tredjelandsutskrivarara noterte i USA og på Oslo Børs med Noreg som heimstat i EØS-området unntak frå nokre krav i årsrapporten.

Sjølv om Finanstilsynet har konkludert med ekvivalens, må utskrivarar som ønsker å nytte seg av rapporteringskrava i USA, søke om unntak til Finanstilsynet.